Loyiha YUNESKO Butunjahon merosi qoʻmitasi va yodgorliklar va obidalarni saqlash bo'yicha xalqaro kengash bilan hamkorlikda yaratilgan.
Maqbara qurilishi bo'yicha barcha ishlar YUNESKOning mezonlari va tavsiyalariga qat'iy muvofiq ravishda amalga oshirildi. Maqbara Markaziy Osiyo me'morchiligining eng yaxshi elementlari va an'analarini o'zida mujassam etgan.
Maqbara marmar va granitdan qurilgan bo'lib, Qur'on oyatlari yozuvlari bilan bezatilgan. O'zbek, ingliz va arab tilida yozilgan qamarlar portali Islom Karimovning dono so'zlari bilan yozilgan. Majmua yonidagi hudud kengaytirildi, tashrif buyuruvchilar uchun barcha qulayliklar yaratildi. Mamlakatimizning birinchi Prezidentining maqbarasi Xazrati Xizr masjidi bilan uyg'unlashgan.
Maqbaraning ichki qismi hindistonning "HAYAT GROUP" kompaniyasi tomonidan qo'lda yasalgan yuqori sifatli tabiiy oq marmardan, yarim qimmatbaho toshlardan ishlangan. O'rnatish va montaj ishlari uchun Hindistonlik hunarmandlarning maxsus jamoasi taklif qilindi.
Yog'och o'ymakorligi bo'yicha ishlar O'zbekiston xalq ustalari Nasrulla Soxibnazarov va Mirjalol Asadov tomonidan o'z shogirdlari bilan, shuningdek, qo'qonlik usta Muhammadaminning tomonidan amalga oshirildi.
Ganch o'ymakorligi - O'zbekiston xalq ustalari Mansur Murodov va Amriddin Najmievning qo'l san'ati. Toshkent Xalq amaliy san'ati kombinatida yasalgan majolika va mozaikalarni o'rnatishni Rahmon Toxirov boshchiligidagi guruh amalga oshirdi.
Devorlarga rasm chizish O'zbekiston xalq ustasi Abdug'ani Karimov rahbarligida 68 kishidan iborat guruh tomonidan amalga oshirildi. Maqbaraning atrofida ayvon (yozgi terasta) barpo etildi, maqbaraning yonida joylashgan Xazrati Xizr masjidi qayta tiklandi. Shohizinda va Xazrati Xizr qabristonlarining devorlari yangi ko'rinishga ega bo'ldi.
